ShQO Ekologiia departamenti «Qazmyrysh» JShS Altai taý-ken baiytý kombinatynyń toǵanǵa jasyl tústi qaldyq sýdy jiberý faktisi boiynsha tekserý júrgizdi, dep habarlaidy "Ult aqparat".
Shyǵys Qazaqstan oblystyq Ekologiia departamenti toǵan sýynyń lastanýy boiynsha tekserý jumystaryn 5-20 mamyr aralyǵynda júrgizgen. Sonyń nátijesinde «Qazmyrysh» JShS Altai taý-ken baiytý kombinatynyń óreskel buzýshylyqtarǵa jol bergeni anyqtaldy.
«Ekologiialyq saraptamanyń qorytyndysyna sáikes, toǵanǵa tógilgen sý kórsetilgen shekten asyp ketken. QR Ekologiialyq kodeksiniń 225-baby 4-tarmaǵyna sáikes jer ústi sý qoimalaryna aǵyzylatyn sarqyndy sý móldir, boiaýsyz, iissiz bolýy qajet, sondai-aq quramynda aýrý týdyratyn bakteriialar jáne gigienalyq normativterden asatyn kontsentratsiialarda adam densaýlyǵy men janýarlar úshin ziiandy zattar bolmaýy tiis», - delingen departament málimetinde.
Zertteý nátijesinde, sarqyndy sýda emissiialar bekitilgen normativterden marganets boiynsha – 140 ese, myrysh – 44,8 ese, tuz ammoniii – 2,3 ese, nitrit-ion – 5,1 ese, sýlfattar – 5,7 ese, mys – 5 ese asqany anyqtaldy.
Osyndai quqyq buzýshylyq jasaǵan «Qaztsink» JShS-ǵa 291 700 teńge mólsherinde aiyppul salyndy.
