Shyǵys Qazaqstan oblysy Altai aýdanynda 7 jasar bala temir torǵa aiaǵyn qystyryp alǵan, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, oqiǵa Altai qalasyndaǵy Jaqsybaev kóshesinde bolǵan.
Oinap júrgen bala abaisyzda aýladaǵy temir tordyń birine aiaǵyn qystyryp alyp, óz betimen shyǵara almai qalǵan.
«Sol jerge №3 órt sóndirý bóliminiń qyzmetkerleri jedel kelip jetti. Qutqarýshylar apattyq-qutqarý quralynyń kómegimen temir tordy keńeitip, oqýshynyń aiaǵyn shyǵardy. Sodan keiin bala birden jádel járdem qyzmetkerlerine tapsyryldy», - dep habarlady vedomstvo ókilderi.
Osy rette departament mamandary ata-analarǵa balalardy qaraýsyz qaldyrmai, olarǵa qaýipsizdik sharalary týraly jiti túsindirý qajettigin eskertedi.
Qandai da bir tótenshe jaǵdai bolsa birden «112» nómirine qońyraý shalý kerek.
