Shyǵys Qazaqstan oblysy Glýbokoe aýdanynda sýǵa ketken balyqshynyń denesi tabyldy, dep habarlaidy "Ult aqparat".
ShQO tótenshe jaǵdailar departamenti baspasóz qyzmetiniń málimetine súiensek, 11 maýsymda Glýbokoe aýdany Beloýsovka kentindegi sý qoimasynda 1979 jylǵy er adam joǵalyp ketken bolatyn.
Belgili bolǵandai, azamat dostarymen birge balyq aýlaýǵa barǵan. Biraz ýaqyttan keiin jigitterdiń biri ony joǵaltyp alǵan.
Óz betimen izdep taba almaǵan soń qutqarýshylardan kómek surady.
«Súńgýirler birneshe kún boiy sý qoimasynyń túbin, al qutqarýshylar jaǵalaýdy aralap shyqty. 16 maýsymda Glýbokoe aýdany turǵynynyń denesi 2-3 metr tereńdikten tabyldy», - dep habarlady vedomstvo ókilderi.
Jyl basynan beri óńir boiynsha 8 adam sýǵa ketken.
ShQO TJD bastyǵynyń orynbasary Dmitrii Titovtyń aitýynsha, sý aidyndarynda adam ólimine ákep soǵatyn negizgi sebepter – jabdyqtalmaǵan jerlerde shomylý, júze almaý, óz kúshterin durys baǵalamaý, balalardy qaraýsyz qaldyrý jáne mas kúide sýǵa túsý.
