Óskemende Qajymuqan Muńaitpasulynyń qurmetine eń myqty degen atletter batl uiymdastyrdy, dep habarlaidy "Ult aqparat".
Qazaqstan sportshylary odaǵynyń baspasóz qyzmetinen málim etkendei, Batyrs' Battle jobasynyń avtory belgili atlet, QR Mádeniet jáne sport ministrliginiń ambassadory Sergei Tsyrýlnikov.
Saiysqa oblystyń ár aýdanynan 8 palýan qatysty. Olar:
- biiktikke qap kóterý
- bórene kóterý
- tas kóterý
- metaldan jasalǵan shybyq maiystyrý
- beldesý boiynsha kúsh teńestirdi.
«Bul tek sporttyq emes, sondai-aq mádeni shara. Sol arqyly biz Qajymuqan Muńaitpasulynyń 150 jyldyǵyn atap ótemiz, al batyrlarymyz palýanymyzdyń izimen júrip kóredi. Odan bólek, sharanyń tárbielik máni de bar. Biz babamyzdan qalǵan dástúrdi jas urpaqqa jetkizip, mundai sport túrlerin saqtaýǵa tyrysýdamyz», - dedi Sergei Tsyrýlnikov.
Nátijesinde Batyrs' Battle beldigi grek-rim kúresinen QR sport sheberi, Aziia chempionatynyń júldegeri Salaýat Ahmetqalige buiyrdy.
Qazaqstan sportshylary odaǵynyń tóraǵasy Azamat Qarlyǵashev eki jeńimpaz respýblikalyq saiystyń Nur-Sultan qalasynda ótetin aqtyq kezeńinde óner kórsete alatynyn aitty.
Saiys qorytyndysy:
1-oryn – Salaýat Ahmetqali (boiy - 178 sm, salmaǵy - 118 kg)
2-oryn – Aleksandr Nikitin (boiy - 188 sm, salmaǵy - 115 kg)
3-oryn – Maksim Osipov (boiy - 178 sm, salmaǵy - 118 kg)
4-oryn – Manat Eshmýratov (boiy - 178 sm, salmaǵy - 118 kg)
5-oryn – Roman Kaýnov (boiy - 180 sm, salmaǵy – 97,50 kg)
6-oryn – Aleksei Sizov (boiy - 174 sm, salmaǵy - 98 kg)
7-oryn – Evgenii Epifanov (boiy - 185 sm, salmaǵy - 115 kg)
8-oryn – Evgenii Borisov (boiy - 178 sm, salmaǵy - 106 kg)
