Foto: Pexels
Shyǵys Qazaqstan oblysy Tarbaǵatai aýdanynda mas kúide kólik tizgindep, politsiia qyzmetkerlerine qarsylyq kórsetken depýtat 17 táýlikke qamaýǵa alyndy, dep habarlaidy Ult.kz Kazinform-ǵa silteme jasap.
Tarbaǵatai aýdandyq máslihatynyń depýtaty 23 jeltoqsanda alkogoldi ishimdik iship «NissanTeana» markaly avtokólik tizginine otyrǵan. Ony politseiler Qarasý aýyly Jeksenbi kóshesinde toqtatqan.
Depýtat Aqjar aýylynda ornalasqan aýrýhanaǵa meditsinalyq kýálandyrýdan ótýge barǵysy kelmei, tártip saqshylarynyń zańdy talaptaryna baǵynbai, qarsylyq kórsetken.
Meditsinalyq kýálandyrý júrgizýshiniń «orta» dárejeli mas kúide bolǵanyn kórsetti. Sot barysynda ol óz kinásin tolyqtai moiyndady.
- Sot sheshimimen aiyptalýshy Ákimshilik quqyq buzýshylyq týraly Kodeksiniń 608-baby 1-bóligi (Mas kúide kólik júrgizý) jáne 667-baby 1-bóligi (politseidiń zańdy talabyna baǵynbaý) boiynsha kináli dep tanylyp, 17 táýlikke qamaýǵa alyndy. Sondai-aq 7 jyl merzimge kólik quralyn basqarý quqyǵynan aiyryldy, - delingen aýdandyq sot úkiminde.
Eske salsaq, osyǵan deiin Aqtóbe politsiiasynyń jol boiynda bilegen balalardy tasymaldaǵan júrgizýshini jazalaǵany habarlanǵan.
