Shyǵys Qazaqstan oblysynda kýrorttyq aimaqtar qoqys alańyna ainalmas úshin ǵaryshtyq monitoring júrgizilýde. Bul jaily ShQO Energetika jáne TÚKSh basqarmasynyń bólim basshysy Samat Súleimenov aityp berdi.
«Ótken jyly «Qazaqstan Ǵarysh Sapary» UK AQ jasaǵan ǵaryshtyq monitoring nátijesinde, 828 stihiialyq qoqys úiindisi anyqtaldy. Osyǵan orai qoqys úiindilerin joiý kestesi jasalyp, bekitilgen. Qazirgi ýaqytta qala-aýdan ákimdikterimen 529 zańsyz qoqys poligony (64%) joiyldy. Bul baǵytta óńir jurtshylyǵy erekshe belsendilik tanytýda», - dedi Samat Súleimenov.
Onyń aitýynsha, zańsyz qoqys poligondaryn joiý maqsatynda QR Ekologiia, geologiia jáne tabiǵi resýrstar ministrligi WhatsApp jelisinde 8775952490 Call-ortalyǵyn qurdy. Kez kelgen azamat osynda ózi kýá bolǵan qoqys poligondarynyń fotosýretteri men videolaryn jibere alady.
«Kýrorttyq aimaqtardaǵy qoqys máselesi de erekshe baqylaýǵa alynǵan. Ǵaryshtyq monitoringtiń derekterine súiensek, 2020 jyly Alakól men Shalqar kóliniń kýrorttyq aimaqtarynda stihiialyq qoqystar anyqtalǵan joq. Osy rette, 2022 jyly respýblikalyq biýdjet esebinen «Jasyl Qazaqstan» ulttyq jobasy aiasynda mezgil-mezgil paida bolatyn stihiialyq qoqys oryndaryna beinebaqylaý kameralaryn ornatý máselesi qarastyrylýda», - dedi ShQO Energetika jáne TÚKSh basqarmasynyń bólim basshysy.
