Shyǵys Qazaqstan oblysy Glýbokoe aýdanynda qudyqqa túsip ketken 3 jasar bala qaitys boldy, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, Glýbokoe aýdandyq politsiia bólimine qudyqqa qulaǵan 3 jasar balanyń jansaqtaý bólimine jetkizilgeni týraly habar tústi.
«Oinap júrip jer úidiń aýlasynan alystaǵan búldirshin abaisyzda qudyqqa túsip ketti. Aýyr dárejedegi dene jaraqatyn alǵan ol meditsinalyq mekemeniń jansaqtaý bólimine jetkizilgen. Ókinishke qarai, dárigerler balany aman alyp qala almady. Atalǵan fakti boiynsha tiisti saraptamalar taǵaiyndaldy. Sonyń nátijeleri boiynsha protsessýaldyq sheshim qabyldanady», - dep habarlady vedomstvo ókilderi.
Osy rette politsiia qyzmetkerleri óńir jurtshylyǵyna kámelettik jasqa tolmaǵan balalardy qaraýsyz qaldyrmaý qajettigin eskertedi.
