Óskemen jáne Novo-Óskemen stantsiialarynda №351/352 «Almaty-Óskemen» poiyzynyń jolaýshylaryn otyrǵyzýǵa jáne túsirýge ýaqytsha tyiym salyndy.
Bul jaiynda «Jolaýshylar tasymaly» AQ baspasóz qyzmeti málimet taratty.
Oǵan sáikes, QR Indýstriia jáne infraqurylymdyq damý ministrliginiń jáne Shyǵys Qazaqstan oblysy jolaýshylar kóligi jáne avtomobil joldary basqarmasynyń hatyna sáikes ShQO boiynsha koronavirýstyń taralýyna jol bermes úshin 13 mamyr saǵat 00.00-den bastap bilet satýǵa, Óskemen jáne Novo-Óskemen stansalary boiynsha «Almaty-Óskemen» baǵytyndaǵy №351/352 jolaýshylar poiyzyna jolaýshylardy otyrǵyzyp, túsirýge ýaqytsha tyiym salynǵan.
Jolaýshylar temir jol biletin jáne tasymaldaý qaǵidalarynda belgilengen merzimde temir jol kóligimen jolaýshylardy, bagajdy, júk-bagajdy jáne poshta jóneltilimderin aqsha qarajatyn ustamai, tolyq kólemde qaitara alady.
Jolaýshy poiyzdarynyń júrý tártibi týraly barlyq aqparatty «105» anyqtama nómiri arqyly bilýge bolady.
«Ulttyq tasymaldaýshy jolaýshylardan engiziletin shekteýlerge túsinistikpen qarap, koronavirýstyq indettiń taralýy kezeńinde qaýipsizdik sharalaryn saqtaýdy suraidy» delingen habarlamada.
