Shyǵys Qazaqstan oblysy Altai aýdanynda 27 jastaǵy áiel 8 jasar balasymen birge sýǵa batyp ketti, dep habarlaidy "Ult aqparat".
Altai aýdandyq Tótenshe jaǵdailar basqarmasynyń málimetine súiensek, qaiǵyly oqiǵa 29 maýsymda Maleevsk aýylyndaǵy ózende boldy. Bir top adam sý jaǵasyna demalý úshin barǵan.
«2013 jylǵy qyz abaisyzda sýǵa qulap túsken. Ony qutqarý úshin anasy ózenge sekirgen. Ókinishke qarai, ekeýi de sýǵa batyp ketti. Oqiǵa ornyna kelip jetken qutqarýshylar birneshe saǵattan keiin áieldiń denesin tapty», - dedi basqarma bastyǵynyń orynbasary Azamat Abdrahmanov.
Al qyzdyń máiiti 30 maýsymda tańerteń tabylǵan.
Osy rette, qutqarýshylar óńir jurtshylyǵyn jabdyqtalmaǵan jaǵajailarda shomylmaýǵa shaqyrady.
