Shyǵys Qazaqstan oblysynyń eldi mekenderine 2 mln-nan astam kóshet otyrǵyzylady, dep habarlaidy "Ult aqparat".
Aimaq basshysy Danial Ahmetov Óskemendegi «Nurly Jol» jańa shaǵyn aýdanyna baryp, salynyp jatqan jer úilerdiń sapasyn tekserdi. Jýyq arada munda alǵashqy qonystanýshylar óz páterlerine kóshe bastaidy.
«Baspanalar zamanaýi talaptarǵa sai turǵyzylǵan. Aýlaǵa kiretin joldary keń, 1 páterge 1,5 oryn shemasy boiynsha turaq oryndary qarastyrylǵan. Kásipkerlikpen ainalysatyndarǵa da jaǵdai jasalyp otyr. Sonymen qatar jaqynda osy shaǵynaýdanda 600 oqýshyǵa arnalǵan mektep boi kóteredi», - dedi oblys ákimi.
Onyń aitýynsha, merdiger «Nurly Jol» kompaniiasy aýdandaǵy jumysyn odan ári jalǵastyrýǵa jáne ipoteka arqyly beriletin úi salýǵa niet bildirdi. Ákimdik qajetti injenerlik infraqurylymmen qamtamasyz etýge daiyn.
«Árine, óńirdiń árbir shaǵyn aýdany jasyl jelekke kómkerilýi tiis. Bul týraly Prezidentimiz Qasym-Jomart Kemeluly da aityp otyr. Aldaǵy jyldary oblystyń eldi mekenderine 2 millionnan astam kóshet otyrǵyzamyz. Eń aldymen bul igi isti árkim óz aýlasynan bastaý kerek. Sonda aýdandarymyz ben qalalarymyz odan ári kórkeiedi», - dedi Danial Ahmetov.
