Shilde aiynda respýblikanyń barlyq aýmaǵynda aýa temperatýrasy klimattyq norma sheginde bolady, dep habarlaidy "Ult aqparat" «Qazgidromet» RMK-ǵa silteme jasap.
«Qazaqstannyń basym bóliginde jaýyn-shashyn qalypty norma sheginde bolady dep kútilýde. Ortasha kópjyldyq mánderden az jaýyn-shashyn mólsheri eldiń tek ońtústik-batys bóliginde (Mańǵystaý, Qyzylorda, Túrkistan oblystary men Aqtóbe oblysynyń ońtústiginde), ortalyqta (Qaraǵandy oblysy jáne Balqash kólinde) jáne Almaty men Jambyl oblystarynyń soltústik aýmaǵynda ǵana jaýady» - delingen «Qazgidromet» habarlamasynda.
Shildeniń árbir on kúninde qysqamerzimdi sýyq tolqyndar boljanady.
Jaýyn-shashyn, ekpindi jel jáne aýa temperatýrasynyń tómendeýi kútiledi:
eldiń soltústik jartysynda túnde + 7 + 12°S, kúndiz + 17 + 23°S-qa deiin;
ońtústikte túnde + 13 + 18°S, kúndiz + 25 + 30°S deiin.
Shildede Qazaqstannyń soltústik aimaqtarynda temperatýra +25+33°S, al ońtústikte +30+35°S bolady.
Biraq keibir kúnderi ońtústikte termometr +35+45°S-qa, al soltústikte +30+38°S-qa deiin aitarlyqtai kóterilýi múmkin.
Sinoptikterdiń boljaýynsha, shildede eldiń barlyq óńirinde ystyq bolady.
