Almatyda pedofildiń artynan qýyp júrip, 13 qabattaǵy terezeden sekirgen politsiia qyzmetkeriniń jankeshti áreketi sheteldikterdiń tańqaldyrdy, dep habarlaidy Polisia.kz saity.
Qazaqstandyq politsiia qyzmetkeriniń áreketi týraly pikir qaldyrǵan sheteldikter ony «Naǵyz batyr!», «Shynaiy politsiia qyzmetkeri!», «Sýper-kop!» - dep atady.
Politsiia qyzmetkerinen alǵan interviýdi ondaǵan halyqaralyq BAQ jariialaǵan. Olardyń arasynda britandyq Daily Mail de bar. Basylym internet-portalynda bul týraly kólemdi material jariialady. Maqalada Almaty qalasynda pedofildi ustaýdyń egjei-tegjeileri jazyldy.
«Politsiia maiory Baqytjan Bákirov kúdiktiniń artynan qýyp kele jatqan. Qylmysker 13 qabattaǵy terezeden sekirip ketken. Osy kezde qylmyskerdiń artynan politsiia maiory da sekirgen. 13 qabattan 1 qabat tómen terrassa turǵan. Tártip saqshysy aiaǵynyń jaraqatyna qaramastan, kómekke áriptesi Meiir Nesipbai kelgenshe ustap kúdiktini jibermei ustap otyrǵan», - dep jazady Daily Mail.
Qazaqstandyq erjúrek politseidiń áreketine álemniń túrli elderindegi oqyrmandar tańǵalyp, qoldaý bldirip jattyr. Ulybritaniia, AQSh, Avstraliia, Ispaniia, Indoneziia, Shvetsiia, Filippin jáne basqa elderdiń turǵyndary qazaqstandyq tártip saqshysy týraly talai jaqsy oi-pikirin qaldyrdy. Olardyń barlyǵy Baqytjan Bákirovke tezirek saýyǵyp, qyzmetine oralýǵa tilektestigin bildirdi.
Óz pikirerin bildirgen keibir sheteldikter óz elderindegi jergilikti tártip saqshylaryna batyldyq jetispeitinin jazdy. «Bizdiń politsiianyń osyndai áreketke barǵanyn kózime elestete almaimyn», «Naǵyz kop. Ulybritaniiadaǵydai emes», - dep jazdy portal oqyrmandary.
AQSh-taǵy oqyrmandar qazaqstandyq politseidiń Amerikadaǵy áriptesterine politsiianyń naǵyz ofitseri qalai jumys isteý kerektigin kórsetse degen tilegin bildiripti.
Qazaqstandyq politsiia qyzmetkeri týraly jańalyq aǵylshyn, ispan, arab, qytai jáne taǵy basqa tilderde jaryq kórgen. Oqyrmandardyń kóbi Baqytjan Bákirovtiń qaharmandyǵyna tańdanysyn jasyrmady. Oǵan qosa, tártip saqshysynyń alty balasy ósip kele jatqany týraly aqparat erekshe tańqaldyrǵan.
Qazaqstan Respýblikasynyń Ishki ister ministri, general-leitenant Erlan Turǵymbaevtiń buiryǵymen Baqytjan Bákirov «Quqyq tártibin qamtamasyz etýde qosqan úlesi úshin» medalimen, sondai-aq, Qazaqstan Respýblikasy Prezidentiniń Jarlyǵymen II dárejeli «Aibyn» ordenimen marapattaldy.
