Shyǵys Qazaqstan oblysy Ulan aýdanynda sheteldik investor quny 250 mln AQSh dollaryn quraityn mal sharýashylyǵy fermasyn salmaq, dep habarlaidy "Ult aqparat".
Aimaq basshysy Danial Ahmetov investormen jolyǵyp, kelissóz júrgizdi.
«Óńirdiń geografiialyq jaǵdaiy sheteldik investorlardy qyzyqtyratyndyǵy anyq. Óitkeni, ósirgen jáne qaita óńdelgen ónimderdi Qytai men Resei elderiniń úlken naryǵyna jetkizýge bolady. Biz daiyn aýyl sharýashylyǵy ónimderin qaita óńdeý men eksporttaý kólemin arttyrýǵa múddelimiz. Agrobiznes pen joǵary ústeme quny bar shikizattyq emes taýarlar eksporty – bul aýyldy jerlerde ashylatyn jańa jumys oryndary, qosymsha salyq túsimi, aimaq ekonomikasynyń ósimine oń serpin beredi», - dedi ákim.⠀
Onyń aitýynsha, jaqyn arada investitsiialyq jobanyń jol kartasy ázirlenbek. Onda qurylystyń merzimderi men kólemi ǵana emes, investor tarapynan jobany qarjylyq qamtamasyz etýdiń barlyq mehanizmderi men kózderi de kórsetiletin bolady.
«Biz jumys istegisi keletin, nieti durys investorlardy qoldaýǵa daiynbyz. Árine olar Qazaqstannyń zańyn, ásirese jer qatynastary salasyndaǵy talaptardy buzbaýy tiis», - dedi Danial Ahmetov.
