Qazaqstanǵa shet elden turaqty emes aviareistermen kelgen barlyq adamdar COVID-19-ǵa zerthanalyq tekserý júrgizý úshin 2 táýlikke deiin karantindik statsionarda oqshaýlanady. Bul jaiynda QR Bas memlekettik sanitarlyq dárigeri Aijan Esmaǵambetovanyń búgin jariialanǵan qaýlysynda aitylǵan, dep habarlaidy "Ult aqparat".
Atalǵan qaýlyǵa sáikes, Qazaqstan Respýblikasyna shet elden turaqty emes aviareistermen kelgen adamdarǵa qatysty shekteý sharalary mynadai tártippen júrgiziledi: Qazaqstan Respýblikasynyń úkimettik delegatsiialaryn, Qazaqstan Respýblikasy Syrtqy ister ministrliginiń shaqyrýy boiynsha Qazaqstan Respýblikasyna keletin shet memleketterdiń jáne halyqaralyq uiymdardyń resmi delegatsiialarynyń múshelerin; Qazaqstan Respýblikasynda akkredittelgen diplomatiialyq ókildikterdiń, konsýldyq mekemelerdiń jáne halyqaralyq uiymdar ókildikteriniń qyzmetkerlerin jáne olardyń otbasy múshelerin; aviakompaniialar ekipajdaryn; Qazaqstan Respýblikasynyń memlekettik shekarasyn kesip ótý kezinde alynǵan sátten bastap 5 táýlikten aspaityn ýaqyt ótken PTR ádisimen zerthanalyq tekserýdiń teris nátijesi bar COVID-19-ǵa tekserý týraly anyqtama bergen adamdardy qospaǵanda, Qazaqstan Respýblikasyna shet elden turaqty emes aviareistermen kelgen barlyq adamdar COVID-19-ǵa zerthanalyq tekserý júrgizý úshin 2 táýlikke deiin karantindik statsionarda oqshaýlaýǵa jatady.
«SOVID-19-ǵa zerthanalyq tekserý nátijelerin alǵannan keiin oń nátijesi bar adamdar infektsiialyq statsionarǵa aýystyrylady, SOVID-19-ǵa teris nátijesi bar adamdarǵa osy qaýlyǵa 33-qosymshaǵa sáikes tiisti qolhat alyna otyryp, COVID-19 yqtimal simptomdary týraly túsindirý júrgiziledi. COVID-19-dy joqqa shyǵarmaityn belgileri bar adamdar karantindik statsionarǵa emes, provizorlyq statsionarǵa emdeýge jatqyzylady», - delingen qujatta.
Sonymen qatar Qazaqstan Respýblikasynyń memlekettik shekarasyn kesip ótý kezinde alynǵan sátten bastap 5 táýlikten aspaityn ýaqyt ótken PTR ádisimen zerthanalyq tekserýdiń teris nátijesi bar COVID-19-ǵa tekserý týraly anyqtama bergen adamdar COVID-19-ǵa zerthanalyq tekserý júrgizý úshin 2 táýlikke deiin karantindik statsionarda oqshaýlanbaidy. Olarǵa osy qaýlyǵa 33-qosymshaǵa sáikes tiisti qolhat alyna otyryp, COVID-19 yqtimal simptomdary týraly túsindirý júrgiziledi.
Eske salsaq, Qaýly ózgeristerine sáikes Túrkiiadan kelgen jolaýshylar 48 saǵat ishinde PTR test tapsyrýǵa mindetti.
