Foto: Smart News
Olardyń azyq-túlik dúkenine taýar satyp alý úshin JK atynan alynǵan nesielerdiń bir bóligi de keshirilipti. Dese de, advokattar men qorǵaýshylar toby Sherzattyń otbasyna qarajat jinaýdyń maqsatyn túsine almaǵanyn aitady, dep habarlaidy Ult.kz inbusiness.kz-ke silteme jasap.
Quqyq qorǵaýshy Aitbek Amangeldiniń sózinshe, Sherzattyń otbasy qaiǵyly oqiǵadan soń halyqtan qarajat jinaý máselesi boiynsha keńes suraǵan.
– Bizde tek bir ǵana suraq boldy: qarajat jinaýdyń maqsaty qandai? Jáne ol nege Sherzattyń ákesiniń týysy Perizattyń atyna júrgizilip jatyr? Óitkeni, ol bul is boiynsha jábirlenýshi bolyp sanalmaidy. Biz dereý málimdeme jasap, komandamyzdyń bul aqsha jinaý isine eshqandai qatysy joq ekenin habarladyq. Sondai-aq, tek Sherzattyń ákesi men anasyn jáne olardyń balalaryn ǵana ókildik etetinimizdi naqtyladyq, – deidi ol.
Sondyqtan da, advokattar men qorǵaýshylar toby bul qarajat jinaýdyń maqsatyn túsine almaǵan, sebebi olardyń tarapynan barlyq qyzmet tegin kórsetilgen eken.
– Bankter de otbasyna qoldaý kórsetýge niet bildirdi. Otbasynyń bes banktegi nesiesiniń tólemderi toqtatyldy. Ártúrli nesie bolǵan. Sonymen qatar, olardyń azyq-túlik dúkenine taýar satyp alý úshin JK atynan alynǵan nesielerdiń bir bóligi de keshirildi, iaǵni tolyq óteldi, – deidi quqyq qorǵaýshy.
Aitbek Amangeldi Sherzattyń otbasynyń Talǵardaǵy úii órtegennen keiin de qarjylai qoldaýǵa qatty qajettiligi bolmaǵanyn aityp otyr.
Quqyq qorǵaýshy Saida Táýekelova da keibir demeýshiler qaiyrymdylyq retinde Sherzattyń otbasyn qoldaǵanyn atap ótti.
– Ókinishke qarai, bizdiń demeýshilerimizdiń biri úige aqsha jinaý júrgiziletini jariialanǵan kezde kómek kórsetýden bas tartty. Sondyqtan birqatar qarjylyq máseleni bizdiń komanda óz betinshe sheshti, – deidi ol.
