Foto: Joǵarǵy sot
Sherzat Polattyń ólimine qatysty is boiynsha sottalǵan eki adam kassatsiialyq shaǵym túsirip, ózin tolyq aqtaýdy surady. Bul týraly jábirlenýshi taraptyń advokaty Meiirman Shekeev málimdedi, dep habarlaidy Ult.kz.
Advokattyń aitýynsha, shaǵymdy sottalǵandar Azamat Toqtaýbaev pen Didar Qaliahmetov bergen. Olar sot úkimimen kelispei, ózderin tolyq aqtaýdy talap etip otyr.
Meiirman Shekeevtiń sózinshe, kassatsiialyq shaǵymdar jaqynda ǵana kelip túsken, al sot otyrysy erteńge belgilengen.
Eske salaiyq, 2025 jylǵy 5 maýsymda sot úkimimen 16 jastaǵy Sherzat Polattyń ólimine qatysty 9 adam 1,5 jyldan 23 jylǵa deiin bas bostandyǵynan aiyrylǵan.
Sol jyldyń shilde aiynda sottalǵandardyń biri — Dýman Ysqaq jazasyn ótep, bostandyqqa shyqty. Al tamyz aiynda ózge aiyptalýshylar apelliatsiialyq shaǵym bergenimen, sot úkimdi ózgerissiz qaldyrǵan.
