Talǵarda 16 jastaǵy Sherzat Bolattyń ólimine qatysty is boiynsha ustalǵandardyń týystary alǵash ret málimdeme jasady, - dep habarlaidy ult.kz Tengrinews.kzke silteme jasap.
foto ashyq internet jelisinen alyndy.
Jelide ustalǵandardyń týystary jasaǵan úndeýdiń beinesi tarady.
Kúdiktilerdiń jaqyndary videoda "balalardyń kinási úshin" keshirim surady. Biraq sonymen birge marqumnyń aǵasy men ákesin de jaýapqa tartýdy talap etip otyr.
"Halyqtan keshirim suraimyz. Balalarymyz kináli, biraq Nurqanat (aǵasy) men Qarjaýbai (ákesi) de jaýapqa tartylýy kerek. Sotta eki jaqtyń da ádil qaralýyn suraimyz. Bir jaqty ǵana kinálaýǵa bolmaidy. Myltyqty kóliginen Nurqanat (aǵasy) alyp shyqty. Jigitterge qarai oq jaýdyrdy. Bireýiniń jaǵyn syndyrdy. Ózderi myltyq pen pyshaq alyp shyqty. Sodan jigitter kóterilip ketti. Balalarymyz úshin keshirim suraimyz. Bizdiki durys emes. Biraq arandatpasa, bári tynysh úilerine qaitar edi", – deidi ustalǵandardyń týystary.
