Foto: ashyq derekkóz
Qyrǵyzstanda kámeletke tolmaǵan balalardy satýmen ainalysqan qazaqstandyq áiel uzaq merzimge sottaldy, dep habarlaidy Ult.kz.
Qyrǵyzstannyń Memlekettik ulttyq qaýipsizdik komiteti málimetinshe, ol adam saýdasyna qatysty aýyr qylmys jasaǵany úshin 12 jylǵa bas bostandyǵynan aiyryldy.
Tergeý derekterine sáikes, qazaqstandyq azamat pen onyń sybailasy – Qyrǵyzstan azamaty balalardy el aýmaǵynan zańsyz shyǵarýdyń tutas shemasyn uiymdastyrǵan. Qylmystyq top kámeletke tolmaǵandardy satyp alyp, olardy úshinshi tulǵalarǵa bergen.
Anyqtalǵandai, qazaqstandyq áiel Izrail azamatynyń qatysýymen aqsha jáne múlik úshin úsh balany satyp alǵan. Tergeý barysynda balalarǵa qatysty aýyr jáne adam shoshyrlyq áreketter jasalǵany belgili boldy: olardy jalańash kúide sýretke túsirip, intimdik mazmundaǵy materialdardy sheteldegi adamdarǵa jibergen.
Sonymen qatar qylmystyq top taǵy eki balany «qorǵanshylyqqa alý» arqyly zańdy túrde iemdenip, olarǵa da osyndai zańsyz áreketter jasaǵan.
Is Bishkek qalasyndaǵy Birinshi mai aýdandyq sotynda qaralyp, 2026 jylǵy 12 naýryzda úkim shyqty. Nátijesinde:
Qazaqstan azamaty – 12 jylǵa,
Qyrǵyzstan azamaty – 11 jylǵa bas bostandyǵynan aiyryldy, múlikteri tárkilendi.
Tergeý bul isti transulttyq sipattaǵy aýyr qylmys retinde baǵalap otyr.
Aita keteiik, buǵan deiin Túrkistan oblysynda 23 jastaǵy áiel jańa týǵan sábiin 800 myń teńgege satpaq bolǵan jerinde ustalǵan edi.
