Ulysmedia kollajy
UFC faiteri Shavkat Rahmonovtyń jubaiy Gúlaiym Rahmonova Rýslan Ótepbaidyń YouTube arnasyna bergen suhbatynda kúieýimen jasasqan neke kelisimshartynyń mán-jaiyn baiandady, dep habarlaidy Ult.kz.
Onyń aitýynsha, 2025 jyldyń naýryzynda otbasy úsh balasymen Dýbaiǵa demalysqa baryp kelgen, al sáýir aiynda sportshy neke kelisimshartyn jasaý máselesin kótere bastaǵan.
Gúlaiym Rahmonova bastapqyda bul usynysqa mán bermegenin, keiin otbasyndaǵy túrli áńgimeler men kúmándarǵa bailanysty kelisimshartqa qol qoiýǵa sheshim qabyldaǵanyn aitty.
«Men basynda kúlip, mán bermedim. Keiin “eger janyn tynyshtandyrsa, qol qoia salaiyn” dep oiladym», – dedi ol.
Kelisimshart talaptaryna sáikes, ár taraptyń atynda tirkelgen múlik ajyrasý jaǵdaiynda sol adamnyń ózinde qalatyny kórsetilgen.
«Meniń atymda tek ózim jol apatyna túsken kólik qana boldy. Men dúnie úshin júrgen joqpyn», – dedi Gúlaiym Rahmonova.
Aita keteiik, buǵan deiin Shavkat Rahmonovtyń jubaiyna qatysty jol apaty isi sotqa joldanǵan bolatyn. 2025 jyldyń shildesinde Jambyl oblysynda bolǵan jol-kólik oqiǵasy saldarynan eki adam qaza taýyp, taǵy ekeýi jaraqat alǵan.
Taraz sotynyń sheshimimen Gúlaiym Rahmonova Qylmystyq kodekstiń tiisti baby boiynsha kináli dep tanylyp, 5 jylǵa bas bostandyǵynan aiyrý jazasyna kesilgen. Alaida jaza merzimi 5 jylǵa keiinge qaldyrylǵan.
Sonymen qatar ol jaqynda áleýmettik jelidegi paraqshasynda Shavkat Rahmonovpen ajyrasqanyn málimdegen.
