Sharyn shatqaly men Reseidiń Qazan qalasynda bolǵan qaiǵyly oqiǵalardan keiin Almaty muǵalimderine biliktiligin arttyrýǵa arnalǵan kýrs uiymdastyrylady. Bul týraly qalalyq bilim basqarmasynyń basshysy Lázzat Jylqybaeva aitty, dep habarlaidy "Ult aqparat".
«Qazan men Sharyn shatqalyndaǵy qaiǵyly oqiǵadan keiin bul óte ózekti másele bolyp tur. Ásirese, bizge, muǵalimderge, basshylarǵa, barlyq mektep qyzmetkerlerine, bilim berý uiymdaryna balalardyń minez-qulyq qaýipsizdigi erejeleri boiynsha kýrstardan ótý kerektigin kórsetti. Qazirgi ýaqytta bilim basqarmasy men qalalyq ákimdik birqatar sharalar keshenin, onyń ishinde mektep basshylary men muǵalimderine arnalǵan kýrstardy bekitti», - dedi Lázzat Jylqybaeva.
Onyń aitýynsha, mektep psihologteriniń biliktiligin arttyrý máselesi qosymsha qarastyrylýda.
«Qaladaǵy 207 mektepte 360 psiholog jumys isteidi. Sońǵy ýaqytta mektep psihologteri úshin arnaiy kýrstar uiymdastyrylmaǵan edi. Iaǵni, psihologterge, muǵalimderge, mektep qyzmetkerlerine qosymsha oqytý kýrstary uiymdastyrylady», - dedi Lázzat Jylqybaeva.
Esterińizge sala ketsek, 29 mamyr kúni Almaty oblysynyń Sharyn shatqalynda sel júrip, 2 adam mert bolyp, 1 adam iz-túzsiz joǵalǵany, taǵy 6 adam zardap shekkeni habarlanǵan bolatyn.
11 mamyrda Reseidiń Qazan qalasynda mektepte atys boldy. Oqiǵa saldarynan 9 adam qaitys bolyp, birneshe adam jaraqat aldy.
