Shardara aýdany aýmaǵynan tabylǵan balbal tas bizdiń zamanymyzdaǵy I-III ǵasyrlarǵa tiesili, dep habarlaidy "Ult aqparat". Túrkistan oblysy ákiminiń baspasóz qyzmetine silteme jasap.
Kóne eskertkish óz zamanynyń ataqty qolbasshysyna arnap jasalýy múmkin, degen de boljam bar. Óitkeni balbal tas betinde áskeri bas kiim anyq beinelengen. Tabylǵan tas músin murajaidan oryn alyp, oblystyq tarihi jáne mádeni eskertkishterdiń memlekettik tizimine engizý jóninde qujattar ázirlenip jatyr.
Kóne jádigerdi tapqan jer iesi – Tórebekovter áýleti. Tasty Shardara sý qoimasyna jaqyn mańdaǵy Shekertóbe jerinde mal baǵyp júrip, taýyp alǵan. Tas músindi sharýa qojalyq iesi murajaiǵa amanat etti. Qundy jádiger tabylǵan aýmaqta qazba jumystary júrgizilýi múmkin.
Balbal – tastan qashalyp jasalǵan adam beinesindegi eskertkish. Iaǵni soǵý, qaǵý, urý degendi bildiretin qos sózden turady. Túrkologtardyń pikirinshe, balbal sózi «tasty tip-tik etip qadap ornatqan belgiler» degen maǵynany bildiredi.
