Foto: QR MAM
«Shańyraq kúni» aiasynda negizgi is-sharalar elordada jáne óńirlerde ótip jatyr, dep habarlaidy Ult.kz.
Astanada kolledj stýdentterine arnalǵan 1000 oryndyq jańa jataqhana ashylmaq, «Báiterek» monýmenti janynda ulttyq stilde 50 otbasynyń neke qiiý saltanaty uiymdastyrylady, J. Úshkempirov atyndaǵy Jekpe-jek saraiynda 3000 oqýshynyń qatysýymen fleshmob jáne «Altyn asyq» oiyny ótkiziledi, al Mýzykalyq jas kórermen teatrynda 18 otbasylyq juptyń qatysýymen «Baqytty shańyraq jyry» atty kesh ótedi.
Shymkent qalasyndaǵy «Arbat» aýmaǵynda jasandy intellekt boiynsha oqytý jáne interaktivti is-sharalar, viktorinalar men ziiatkerlik oiyndar, sondai-aq «Robo-shańyraq» atty otbasylyq baiqaý uiymdastyrylýda.
Aqmola oblysynda Býrabai aýdanynda jas otbasylardyń neke qiiý rásimderi jáne aýdandyq «Naýryz-Party» festivali ótýde. Qostanai oblysynda «Naýryz dostaryn shaqyrady» VII halyqaralyq horeografiialyq óner festivali, Soltústik Qazaqstan oblysynda «Naýryz aýlalarda» aktsiiasy, Qaraǵandy oblysynda otbasylyq festivalder, «Altyn shańyraq», «Kúmis kerege» baiqaýlary jáne taqyryptyq mádeni kezdesýler uiymdastyrylýda.
Mańǵystaý oblysynda úlgili otbasylardy nasihattaityn is-sharalar, jasandy intellekt boiynsha sheberlik saǵattary jáne dron-fýtbol týrniri ótýde, al Aqtóbe oblysynda «Naýryz – Bazarlyq» aktsiiasy men «Roza shaqyrady» kontserti uiymdastyrylmaq.
