Májilis depýtattary, «Nur Otan» partiiasy fraktsiiasynyń músheleri Baqytbek Smaǵul jáne Ǵalym Ámireev Qyzylorda oblysynyń Jalaǵash aýdany Tań aýyldyq okrýginde kúrdeli jóndeý jumysy júrgizilip jatqan №118 orta mektep ǵimaratynyń qurylysymen tanysty.
Aýyldaǵy bilim ordasynyń irgetasy 1982 jyly qalanǵan.
Sodan bergi 40 jylǵa jýyq ýaqytta mektep ishinde kishigirim jóndeý jumystary júrgizilgenimen, dál osyndai kúrdeli jumys alǵash ret jasalyp otyr.
Jóndeý jumystaryna respýblikalyq biýdjetten 279 mln. teńge bólingen.
Merdiger mekeme ókili Erkebulan Syzdyqbaevtyń aitýynsha, jumys mamyr aiynda bastalyp, qazirgi ýaqytta montajdaý jumystarynyń 60 paiyzy aiaqtalǵan.
Sondai-aq, tereze ornatylyp, ishki jumystar jasalyp, mekteptiń syrtqy beti qaptalǵanyn, nysand 1 qyrkúiekke deiin tapsyratynyn jetkizdi.
Jetekshi partiia aýyldaǵy bilim oshaqtaryn da nazardan tys qaldyrmai, shalǵaidaǵy aýyl mektebine jasalyp jatqan jumystar onyń kórinisi ekenin aitqan fraktsiia múshesi Ǵalym Ámireev endigi jerde osy bólingen qarajattyń tiimdi jumsalýy kerektigine erekshe nazar aýdardy.
Sapar barysynda depýtattar mektep ainalysynyń qorshaýy jóndeý jumystaryna engizilmegendikten jergilikti ákimdik arqyly aldaǵy ýaqytta osynyń sheshý joldaryn qarastyrýdy usynǵandaryn aitty.
Májilis depýtaty Baqytbek Smaǵul sailaýaldy baǵdarlama 2025 jylǵa deiin oblystyń barlyq mektepterin himiia, biologiia, fizika pánderi kabinetterimen kezeń-kezeńimen jaraqtandyrý, mekteptegi jóndeý jumystary balalardyń bilim alýyna da ózindik septigin tigizetindigine senim bildirdi.
Jalpy halyq qalaýlylary aýdandaǵy sapary barysynda partiia baǵdaralamasy aiasynda jeke kásipkerdiń qoldaýymen paidalanýǵa berilgen jabyq bassein jáne meditsinalyq klinika jumysyn kórip, aýdan turǵyndarymen kezdesti.
Sonymen qatar, depýtattar Syr eline sapar barysynda kóptegen áleýmettik mańyzy bar máselelerdi kóterip, turǵyndardyń talap-tilekterin nazarlaryna alýda.
