Qaraǵandy oblysy Shahan kentindegi kópqabatty úilerdiń biriniń terezesinen 3 jasar sábi qulap ketti, dep habarlaidy "Ult aqparat".
Oqiǵa 21 mamyrda Shahan kentinde boldy. 2018 jyly týǵan qyz bala aýyr halde meditsinalyq mekemege jatqyzyldy.
Biyldyń ózinde bul 1 jastan 8 jasqa deiingi balalardyń terezeden qulaýynyń 7 oqiǵasy.
Osyǵan bailanysty qutqarýshylar ata-analardan kishkentai balalaryn qaraýsyz qaldyrmaýdy eskertedi.
Sondai-aq, kelesi qaýipsizdik nusqaýlaryn nazarda ustaýdy usynady:
Bala terezege kóterile almaityndai etip jihazdyń barlyq túrlerin terezeden alystatyńyz.
Moskit torlaryna senbeńiz! Olar qulaýdan qorǵaýǵa arnalmaǵan.
Terezelerge balanyń terezeni birneshe santimetrden artyq ashýyna jol bermeitin arnaiy qysqyshtardy ornatyńyz.
Terezelerdiń qaýiptiligi týraly balalarmen sóilesińiz.
Múmkinshilik bolsa arnaiy qurylǵylar ornatyp, qalam terezelerdiń tutqalaryn alyptastap, tek qajetti jaǵdaida ǵana paidalanǵan jón.
