Foto: QR SIM
Syrtqy ister ministrliginiń resmi ókili Aibek Smadiiarov Koreiada avtobýs júrgizýshisine shabýyl jasaǵan áielge qatysty aqparat jariialady, habarlaidy Sputnik Qazaqstan.
Bul jaǵdai Seýl qalasynda bolǵan. Pyshaq ustaǵan áiel avtobýs júrgizýshisine shabýyl jasady. Buqaralyq aqparat quraldarynda onyń Qazaqstan azamaty ekeni jaily aqparat tarady. Syrtqy ister ministrligi ol málimetti rastady.
“Iá, ol - Qazaqstan azamaty. Burynnan beri sol jaqta turady. Kúieýimen birge biznespen ainalysady. Oǵan tehnikalyq viza da berilgen. Ózi – etnikalyq káris”, - dedi Smadiiarov búgingi brifingte.
Ol áiel 2020 jyldan beri mamandyrylǵan aýrýhanada emdelip júrgen.
“Sol jerde óte kúrdeli em qabyldap júr. Aldyn ala aqparatqa sáikes, shabýyl kezinde dári-dármektiń áseri de bolǵan. Jaqyn arada oǵan konsýl barady”, - dep atap kórsetti Smadiiarov.
Qazirgi kezde psihologiialyq saraptama taǵaiyndalǵan.
