«Serpin» baǵdarlamasy arqyly Soltústik qazaqstan oblysyna elimizdiń ońtústik óńirlerinen 7 jylda 2 myńnan asa qyz-jigit keldi, dep habarlaidy "Ult aqparat".
Bul málimetterdi búgin óziniń Facebook -taǵy paraqshasynda SQO ákimi Qumar Aqsaqalov jazdy.
«Elbasynyń bastamasymen 2014 jyldan beri oblysta «Serpin» baǵdarlamasy júzege asyp keledi. Bul Táýelsiz Qazaqstannyń 30 jyldyq tarihyndaǵy áleýmettik-saiasi mańyzy bar jobalardyń biri.⠀7 jylda óńirge ońtústik oblystardan 2 myńnan asa qyz-jigit keldi. Olar jataqhanamen qamtamasyz etildi, tegin ári sapaly bilim alap jytar. Búginde 1 myńǵa jýyq bala diplom aldy. Serpindikterdi eńbekpen qamtý úshin kómek kórsetiledi. Ýniversitet túlekteriniń 92%-i oblysta qalyp, jumysqa turdy», - dedi oblys ákimi.
Ol keltirgen derekterge qaraǵanda, mysaly, biylǵy jyldyń túlekteri óńirde jańa ashylyp jatqan kásiporyndarǵa da jumysqa ornalasyp jatyr. Jańa elektrtehnikalyq zaýytyna 31 serpindik jumysqa alyndy. 4 túlek «CLAAS» aýyl sharýashylyǵy tehnikasy zaýytyna qabyldandy. Túlekter aýyl sharýashylyǵy, qurylys, energetika, bilim berý, temir jol salalarynyń damýyna óz úlesterin qosýda.
«Serpindikterdiń oblysta qalyp, elge qyzmet etýine bar jaǵdai jasalǵan. «Serpin» túlekteri soltústikte shańyraq kóterip, otbasy quryp jatyr. Jas januialarda 10 kishkentai azamat dúniege keldi», - deidi Qumar Aqsaqalov.
