Jer máselesin ulttyq deńgeidegi mańyzdy joba retinde júieli túrde qarastyrmasa jaiylym máselesi sheshimin tappaidy. Bul týraly Senattyń jalpy otyrysynda depýtat Sultan Dúisembinov Úkimet basshysynyń atyna joldaǵan saýalynda aitty, dep habarlaidy "Ult aqparat".
«Jaiylymdyq jer tapshylyǵy barlyq oblystar boiynsha oryn alyp otyr. Máselen, Túrkistan, Almaty, Jambyl jáne Qyzylorda oblystarynda aýyl turǵyndary jaiylymdardyń jetispeýshiliginen zardap shegýde. Eldi mekenderde maldyń 80%-ǵa jýyǵy aýyl sheginde jáne onyń ainalasynda jaiylatyndyqtan, buryn bólingen shamamen 21 mln ga jaiylymdyq jer degradatsiiaǵa ushyraǵan», - dedi Sultan Dúisembinov.
Senator jaiylymnyń tapshylyǵyn sheshý úshin jaiylymdardy uzaq merzimdi basqarý jónindegi josparlardy bekitý qajet ekenin jáne paidalanylmai jatqan jerlerdi memleketke qaitarý boiynsha belsendi jumys júrgizý kerek ekenin aitty.
«Búginde aýyldyq eldi mekenderde mal sharýashylyǵy óniminiń 66%-y óndiriledi. Biraq mundai orasan biologiialyq aktiv memlekettik qoldaýdan tys qalyp, zamanaýi tehnologiialyq protsesterge tartylmai otyr. Jeke qosalqy sharýashylyqtardy kooperativtendirý boiynsha júrgizilgen jumystar durys úilestirilmegendikten nátijeli bolmai otyr», - dedi depýtat.
Senatordyń aitýynsha, qazirgi ýaqytta damyǵan elderdiń barlyǵy aýyl sharýashylyǵynda kooperatsiia tetigin tabysty paidalanýda. Bul aýyldyq jerlerde eńbek ónimdiligin arttyrýǵa, qala halqyn sapaly jəne arzan tamaq ónimderimen qamtamasyz etýge, turaqty jumys oryndaryn ashýǵa zor septigin tigizedi.
