Qazaqstan Respýblikasy Parlamentiniń joǵarǵy palatasy biylǵy jylǵy 1 qarashada Senat materialdary boiynsha eń úzdik jýrnalistik zertteý boiynsha konkýrs pen ekologiia taqyrybyndaǵy jýrnalistik konkýrstyń bastalatyny týraly habarlaidy.
Senat tóraǵasy Dariǵa Nazarbaeva osy jyldyń maýsym aiynda buqaralyq aqparat quraldary qyzmetkerleriniń kúnine arnalǵan sharada konkýrstardy ótkizý týraly bastama kótergen bolatyn.
Konkýrstyń maqsaty – jýrnalist mamandyǵynyń bedelin kóterý, «jýrnalistik zertteý» janryn damytý, ekologiia salasyndaǵy zańnamany jetildirý, jýrnalisterdi qoldaý bolyp otyr.
Konkýrsqa jýrnalister, respýblikalyq jáne aimaqtyq telearnalar men gazetterdiń, internet-basylymdardyń jáne radionyń shtattaǵy jáne shtattan tys qyzmetkerleri, blogerler qatysa alady.
Jeńimpazdarǵa baǵaly syilyqtar men qurmet gramotalary beriledi.
Jýrnalistik shyǵarmalardy konkýrstarǵa joldai berýge bolady. Parlament Senatynyń saitynda jáne palatanyń áleýmettik jelilerdegi resmi akkaýnttarynda barlyq málimetter bar.
Konkýrstardy ótkizý qaǵidalarymen Parlament Senatynyń saitynda «BAQ-qa arnalǵan» taraýynda tanysa alasyz.
Anyqtama telefondary: 747239, 747240 (Senattyń baspasóz qyzmeti)
