Parlament Senaty Buqaralyq aqparat quraldarynyń qyzmetkerleri kúni qarsańynda jýrnalisterge arnalǵan «Amanat» jáne «Týǵan el» baiqaýlarynyń qorytyndysyn jariialady, dep habarlaidy "Ult aqparat" QR Parlamenti Senatynyń baspasóz qyzmetine silteme jasap.
Baiqaýǵa respýblikalyq jáne óńirlik telearnalardyń, merzimdi basylymdardyń tilshileri, blogerler men telegramm-arnalardyń avtorlary qatysqan bolatyn.
Senat Tóraǵasy Máýlen Áshimbaev qatysýshylar men jeńimpazdarǵa Palatanyń zań shyǵarý qyzmetin dáriptegeni jáne elimizdiń kún tártibindegi máselelerdi aqparattyq turǵyda ilgeriletýdegi eren eńbekteri úshin alǵys bildirdi.
«Byltyr Memleket basshysynyń bastamasymen elimizde jýrnalisterdiń kásibi merekesi – buqaralyq aqparat quraldarynyń qyzmetkerleri kúni resmi túrde bekitildi. Bul qadam túrli oqiǵalar men elimizde qolǵa alynǵan reformalar týraly halyqqa shynaiy jáne jedel habar taratatyn mamandarǵa degen qurmettiń belgisi. Qazirgi kúrdeli ýaqytta jýrnalister dárigerlermen, quqyq qorǵaý organdarynyń qyzmetkerlerimen jáne eriktilermen birge koronavirýs indetimen kúreste aldyńǵy shepte júr. Olar qaýip-qaterge qaramastan azamattardyń dáleldi ári dáiekti aqparat alýy úshin aianbai jumys isteýde. Otandyq jýrnalisterdiń qyzmeti árdaiym joǵary baǵaǵa laiyq», – dedi Máýlen Áshimbaev.
Sondai-aq, Senat Tóraǵasy «Amanat» jáne «Týǵan el» baiqaýlaryna usynylǵan eńbekterdiń kásibi deńgeide daiyndalǵanyn atap ótti. Onyń aitýynsha, sessiia barysyndaǵy zań shyǵarý qyzmeti, senatorlardyń saýaldary men kóptegen parlamenttik sharalar mazmundy televiziialyq siýjetterge, jan-jaqty saraptamalyq maqalalarǵa, reporterlik zertteýler jasaýǵa arqaý bolǵan.
Baiqaýǵa kelip túsken materialdardy saraptaý komissiialary muqiiat taldap, óz baǵalaryn berdi. Komissiia quramyna Senat depýtattary, belgili jazýshylar men jýrnalister engenin aita ketken jón. Konkýrs qorytyndysy boiynsha jeńimpazdar men júldegerlerden bólek, birneshe arnaiy marapattar da taǵaiyndaldy.
«AMANAT» BAIQAÝYNYŃ LAÝREATTARY:
Gran-pri – Ońǵar Toqanov, «Qazaqstan» telearnasynyń tilshisi.
Birinshi oryn – Jadyra Jolmuhametova, «Informbiýro» aqparat agenttiginiń tilshisi.
Ekinshi oryn – Laýra Túsipbekova, «Kazahstanskaia pravda» gazetiniń tilshisi.
Úshinshi oryn – Tatiana Kovaleva, «Zakon.kz» portalynyń tilshisi.
«TÝǴAN EL» BAIQAÝYNYŃ LAÝREATTARY:
Gran-pri – Azamat Qasymov, «Egemen Qazaqstan» gazetiniń tilshisi.
Birinshi oryn – «Eýraziia» birinshi arnasynyń «Senat online» telejobasynyń ujymy.
Ekinshi oryn – Mirlan Altynbek, «Habar 24» agenttiginiń tilshisi.
Úshinshi oryn – Ámirbolat Hýsaian, «Azattyq Ruhy» aqparat agenttiginiń tilshisi.
Baiqaý komissiiasynyń sheshimimen blogerlerge, tanymal jariialanymdardyń avtorlary men erekshe aqparattyq materialdarǵa arnaiy marapattar taǵaiyndaldy. Olardyń qatarynda:
– Ǵaziz Ábishev – Abishev Analytics telegram-arnasynyń avtory;
– Ivan Sýhorýkov pen Roman Pavlov – «Tengrinews» internet-resýrsynyń jýrnalisi jáne beine-injeneri;
– Ulpan Begalina – «Atameken business» arnasynyń tilshisi;
– Aihan Sháripov – «AIQYN» gazetiniń tilshisi;
– Syrym Itqulov – «Hola news» shef-redaktory;
– «Ainews» jáne «Aitube.kz» internet jobalarynyń ujymdary bar.
Uiymdastyrýshylar baiqaýǵa belsendi qatysqany úshin barlyq qatysýshylarǵa alǵys bildiredi. Osy rette COVID-19 indetiniń taralý qaýpi seiilmeýine bailanysty jýrnalistermen dástúrli kezdesý jáne laýreattardy marapattaý rásimin 2020 jyldyń kúzine aýystyrý týraly sheshim qabyldandy.
