Foto: Oqý-aǵartý ministrligi
Semeilik oqýshy Erasyl Sailaýov Naýryz aiyndaǵy UBT-da 140 ball jinap, el boiynsha eń joǵary nátijege qol jetkizdi. Bul týraly Oqý-aǵartý ministrligi habarlady.
Erasyl – Abai oblysy Borodýliha aýylynyń týmasy. Ol qazir Álihan Bókeihan atyndaǵy qazaq orta mektebiniń jáne «Tarih mektebi» bilim berý ortalyǵynyń túlegi.
Ministrlik málimetinshe, talapker aǵylshyn tili páni boiynsha 50 baldyq konvertatsiia nátijesine ie bolǵan. Erasyl bos ýaqytynda kitap oqyp, shet tilderin úirenýmen ainalysady. Ol 10-synypta oqyp júrgen kezinde IELTS halyqaralyq emtihanyn da tapsyrǵan. Sonymen qatar voleibol sportyn turaqty túrde meńgeredi.
Oqýshynyń basty maqsaty – negizgi UBT-da da osy nátijeni qaitalap, «Diplomatiia» mamandyǵy boiynsha memlekettik bilim grantyn jeńip alý.
Aita keteiik, 2026 jylǵy 2 naýryzda bastalǵan UBT-ny búginge deiin 31 myńnan astam talapker tapsyrǵan. Onyń ishinde 63%-y testi qazaq tilinde, 37%-y orys tilinde, al 74 adam aǵylshyn tilinde ótken.
