Foto: odvk.kz
Semei qalasynyń Shuǵaev kóshesinde ornalasqan «Bala Park» oiyn-saýyq ortalyǵynda órt boldy. Oqiǵa kezinde nysan ishindegi adamdar óz betimen evakýatsiialanǵan, dep habarlaidy Ult.kz.
Aldyn ala aqparatqa sáikes, qaza tapqandar joq. Abai oblystyq Densaýlyq saqtaý basqarmasy 6 adamnyń meditsinalyq kómekke júgingenin habarlady. Olardyń úsheýi — eresek, úsheýi — bala.
Tótenshe jaǵdailar qyzmeti jetken sátte ǵimarat otqa oranyp jatqan. Órt sóndirilgennen keiin nysannyń shatyry opyrylyp túsken.
Quzyrly vedomstvonyń málimetinshe, tilsiz jaý tolyq aýyzdyqtaldy. Qazirgi ýaqytta órttiń shyǵý sebebi men oqiǵanyń naqty mán-jaiy anyqtalýda.
