Foto: Videodan alynǵan skrin
Semeide zańsyz alkogol óndiretin jasyryn tsehtyń qyzmeti toqtatyldy. Operatsiiany Qarjylyq monitoring agenttiginiń Abai oblysy boiynsha departamenti prokýratýranyń úilestirýimen jáne Memlekettik kirister organdarymen birlesip júrgizgen, dep habarlaidy Ult.kz.
Tergeý barysynda qala turǵyny tiisti litsenziiasyz alkogol óndirýdi uiymdastyrǵany anyqtalǵan. Vedomstvo málimetinshe, kúdikti spirtti sýmen aralastyryp, ónimdi ártúrli orynjailar men garajdarda daiyndaǵan. Keiin ol tanymal brendterdiń ataýymen shyny bótelkelerge quiylyp, jalǵan esepke alý-baqylaý markalarymen satylymǵa shyǵarylǵan.
Tintý kezinde zańsyz ainalymnan «Finsky Ice» jáne «Sibirskie morozy» ataýlarymen 12 myńnan astam bótelke alkogol ónimi tárkilendi. Sonymen qatar 8 myńnan astam bos bótelke, 10 myń litrden astam spirt quramdy suiyqtyq, jalǵan markalar, sondai-aq ónimdi daiyndaýǵa jáne býyp-túiýge arnalǵan jabdyqtar tabylǵan.
Sot sanktsiiasymen tseh ornalasqan jekemenshik úige jáne ónimdi tasymaldaýǵa paidalanylǵan úsh avtokólikke tyiym salyndy. Kúdiktige qatysty elden shyqpaý týraly bultartpaý sharasy tańdalǵan.
Qazirgi ýaqytta sotqa deiingi tergep-tekserý jalǵasyp jatyr. Qarjylyq monitoring agenttigi mundai ónimderdi tutyný azamattardyń ómiri men densaýlyǵyna eleýli qaýip tóndiretinin eskertti. Mamandardyń aitýynsha, jalǵan alkogol ýlanýǵa, ishki aǵzalardyń zaqymdanýyna, tipti adam ólimine ákelýi múmkin.
