Foto: IIM
Semeide tún ortasynda turǵyndardyń mazasyn alǵan júrgizýshi ákimshilik jaýapkershilikke tartyldy, dep habarlaidy Ult.kz.
Politsiia departamentiniń málimetinshe, 21 jastaǵy júrgizýshi Toyota kóligimen 5 sáýirge qaraǵan túni saǵat 02:00 shamasynda qoǵamdyq tártipti buzǵan. Ol qatty shý shyǵaryp, turǵyndardyń tynyshtyǵyn buzǵan.
Atalǵan derek boiynsha júrgizýshi QR Ákimshilik quqyq buzýshylyq týraly kodeksiniń 437-baby boiynsha jaýapqa tartyldy. Zańǵa sáikes, oǵan 5 ailyq eseptik kórsetkish kóleminde aiyppul salyndy.
Politsiia qoǵamdyq tártipti buzý derekteri eskerýsiz qalmaitynyn jáne árbir quqyqbuzýshylyq zań aiasynda jazalanatynyn eskertti.
