Foto: Pexels.com
Semeide tarih pániniń muǵalimi sabaqqa kedergi jasaǵan oqýshylardy dárethanaǵa shyǵaryp sóilesken. Sol úshin jumystan qýyldy. Oǵan qosa, er adamǵa qatysty «Buzaqylyq» baby boiynsha ákimshilik is qozǵaldy, dep habarlaidy Ult.kz Halyq Uni saityna silteme jasap.
Oblystyq bilim basqarmasy usynǵan aqparatqa sáikes, bul oqiǵa №38 orta mektepte eki kún buryn bolǵan. 7-synyptyń eki oqýshysy tynysh otyrmai, sabaqqa kedergi jasaǵan. Sol kezde muǵalim olardy dárethanaǵa alyp baryp, tártipke salǵysy kelgen.
Oqýshylardyń bireýi bárin diktofonǵa jazyp alypty. Alaida er adam telefondy alyp qoiyp, barlyq aýdiojazbany joiyp tastaǵan. Ata-analar birden politsiiaǵa aryz túsirdi.
Muǵalimniń isi aldymen pedagogikalyq etika jónindegi keńeste qaraldy. Osy jiynda ony jumystan shyǵarýǵa sheshim qabyldandy. Sebebi buǵan deiin ol qatań sógis alǵan. 17 qazanda tarih pániniń muǵalimimen rásimdelgen eńbek shartynyń kúshi joiyldy. Al politsiia «Buzaqylyq» baby boiynsha ákimshilik is qozǵady.
Aita ketsek, Ákimshilik quqyqbuzýshylyq týraly kodekstiń 432-baby («Usaq buzaqylyq, jeke tulǵalarǵa zábirlep tiisý») boiynsha 20 AEK (73 840 teńge) kóleminde aiyppul nemese 5-15 táýlikke deiin ákimshilik qamaqqa alý jazasy qarastyrylǵan.
