Foto: gov.kz
Áleýmettik jelilerde Semei qalasyndaǵy Abai dańǵyly boiyndaǵy bir mekemeniń janynda kúndizgi ýaqytta eki sheteldik azamattyń qoǵamdyq orynda tabiǵi qajettiligin ótep jatqan sáti beinelengen video taraǵan bolatyn. Osyǵan bailanysty Abai oblysy politsiia deportamenti málimdeme jasady, dep habarlaidy Ult.kz.
"Politsiia qyzmetkerleri beinebaqylaý kameralarynyń kómegimen quqyq buzýshylardyń jeke basyn anyqtady. Olar 37 jáne 43 jastaǵy sheteldik azamattar bolyp shyqty.
Anyqtalǵandai, quqyq buzýshylyqtyń beinejazbasy áleýmettik jelilerde oqiǵa bolǵannan keiin bir ai ótken soń jariialanǵan. Osy ýaqyt ishinde atalǵan azamattar Qazaqstan Respýblikasynyń aýmaǵynan shyǵyp ketken.
Soǵan qaramastan, olardyń áreketterine quqyqtyq baǵa berildi. Politsiianyń bastamasymen atalǵan tulǵalardyń Qazaqstan Respýblikasynyń aýmaǵyna kirýine bes jyl merzimge tyiym salý týraly sheshim qabyldandy", - dedingen habarlamada.
Qazaqstan Respýblikasy Ishki ister ministrligi tiisti sharalar qabyldaý úshin aqparatty Qazaqstan Respýblikasy Syrtqy ister ministrligine joldady.
Politsiiada atap ótkendei, qoǵamdyq tártip pen minez-qulyq normalaryn saqtaý — Qazaqstan aýmaǵynda júrgen barlyq azamat úshin, olardyń azamattyǵyna qaramastan, mindetti.
