Foto:
instagram.com/nurbol_nursagatov/Qýat Aitqali
Kúni keshe Semei qalasynda jańa ákim sailandy. Ákimdik burynǵy ákim Nurbol Nursaǵatulynyń qyzmetinen ne sebepti ketkenin jáne shyrsha bezendiremin dep aýyr jaraqat alǵan muǵalimniń oqiǵasyn túsindirdi, dep habarlaidy Ult.kz.
Semeidiń eks-ákimi Nurbol Nursaǵatovtyń otstavkaǵa ketýin kópshilik shyrshadan qulaǵan muǵalimniń jaǵdaiymen bailanystyryp jatyr. Alaida ákimdik muny joqqa shyǵardy.
“Shyrsha bezendirip, biikten qulap, jaraqat alǵan muǵalimniń ákimniń qyzmetinen ketýine eshqandai qatysy joq. Nurbol Nursaǵatov bul jaǵdai bolmai turyp, bir apta buryn óz erkimen qyzmetinen ketetini týraly aryz jazǵan edi”, – delingen habarlamada.
Sondai-aq vedomstvo qasaqana jalǵan aqparat taratqandardyń jaýapkershilikke tartylatynyn eskertti.
Aita keteiik, 22 jeltoqsanda Semeide shyrshany bezendirý kezinde muǵalim biikten qulap zardap shekken edi. Ol Nº49 mekteptiń qazaq tili men ádebieti pániniń muǵalimi Qýat Aitqaliev bolyp shyqty. Qazir muǵalim jansaqtaý bóliminde. Osy oqiǵadan keiin Semeide bilim bóliminiń basshysy qyzmetinen bosatyldy.
