Qazaqstanda jyl basynan elektr qýatyna tarifter 1,5 paiyzǵa qymbattady. Degenmen, 8 óńirde baǵa kerisinshe, arzandai túsken, dep habarlaidy "Ult aqparat" energyprom.kz saityna silteme jasap.
2020 jylǵy qańtar-sáýir aralyǵynda elde 37,5 mlrd kVt-saǵat elektr energiiasy óndirildi. Kórsetkish jylyna 3 paiyzǵa artqan.
«Energetikalyq kompaniialardaǵy kúrdeli qarjylyq jaǵdai, jetildirilmegen tariftik saiasat, investitsiialyq tartymdylyqtyń joqtyǵy iri kólemdi jobalardyń bolmaýyna alyp keldi. A qazirgi jaǵdaida qarjylandyrý tek jabdyqtardyń jumysqa qabilettiligin saqtap otyrý úshin ǵana jetetin bolady», - delingen aqparatta.
Sarapshylardyń paiymynsha, saladaǵy problemalar saldarynan Qazaqstan jaqyn keleshekte elektr energiiasyn kórshi elderden satyp alýy múmkin. Ázirge qazaqstandyq elektr stansalary (1-toqsanda) energiiaǵa suranysty (eksport pen naryqta satý) 99 paiyzǵa qamtamasyz ete aldy. Import úlesi – 1 paiyz boldy. Bul rette, import bir jylda 17,9 paiyzǵa azaiǵan.
Biylǵy jyldyń mamyr aiynda elektr energiiasynyń baǵalary byltyrǵy jylmen salystyrǵanda 1,5 paiyzǵa qymbattady. Elektr energiiasynyń tarifteri Batys Qazaqstan oblysynda (16,3 paiyzǵa), Nur-Sultan (10 paiyzǵa) jáne Almaty qalalarynda (7,6 paiyzǵa) qymbattady.
Elimizdiń 17 óńiriniń 8-inde elektr qýatynyń baǵasy, kerisinshe arzandaǵan. Aqmola oblysynda baǵanyń 10,8 paiyzǵa arzandaýy tirkeldi.
