Foto: Baq.kz
Bul týraly Aqmola oblystyq densaýlyq saqtaý basqarmasy habarlady.
«8 naýryz kúni Shýchinsk qalasyndaǵy statsionardyń jansaqtaý bóliminde zardap shekkenderdiń biri kóz jumdy. Al 9 naýryzda Kókshetaý qalasyndaǵy aýrýhanada taǵy bir naýqas qaitys boldy», - delingen habarlamada.
Esterińizge sala keteiik, 26 aqpan kúni keshke Shýchinsktegi «Palaý ortalyǵynda» jarylys bolǵan edi. Aldyn ala málimet boiynsha, jarylys turmystyq gaz ballondaryn paidalaný kezinde qaýipsizdik talaptary saqtalmaýy sebebinen oryn alǵan.
2 naýryz kúni atalmysh dámhana iesi ustalyp, 4 naýryzda eki aiǵa qamaýǵa alyndy. Qaiǵyly oqiǵadan keiin Úkimet basshysy Tótenshe jaǵdailar ministrligine ákimdiktermen birlesip, órt qaýipsizdigin jáne gaz qyzmetteriniń jumysyn baqylaýdy kúsheitýdi tapsyrdy. Sondai-aq profilaktikalyq reidter júrgizip, halyq arasynda aqparattyq-túsindirý jumystaryn jandandyrý mindetteldi.
