Foto: Pexels.com
Shýchinsk qalasyndaǵy «Tsentr plova» kafesinde bolǵan jarylystan zardap shekken segiz adamnyń jaǵdaiy aýyr dep baǵalanýda, dep habarlaidy Ult.kz.
Aqmola oblystyq densaýlyq saqtaý basqarmasynyń basshysy Nariman Ermektiń aitýynsha, naýqastar túrli meditsinalyq mekemelerde em qabyldap jatyr.
Onyń málimetinshe, Shýchinsk aýdandyq aýrýhanasynda jaǵdaiy aýyr tórt patsient jatyr. Sondai-aq oblys ákiminiń orynbasarymen birge kópsalaly oblystyq aýrýhanadaǵy naýqastardyń jaǵdaiy tekserilgen. Ondaǵy zardap shekkenderdiń jaǵdaiy da aýyr, biraq turaqty.
Býrabaidaǵy meditsinalyq mekemede tórt patsient jasandy tynys alý apparatyna qosylǵan. Olardyń ekeýiniń jaǵdaiy asa aýyr dep baǵalanýda.
Bes zardap shekken adam sanitarlyq aviatsiia arqyly Astanaǵa jetkizildi. Taǵy segiz adam ambýlatoriialyq em alyp jatyr.
Densaýlyq saqtaý basqarmasy 1 naýryzdaǵy jaǵdai boiynsha zardap shekkenderge qajetti donorlyq qan qory jetkilikti ekenin habarlady.
Aita keteiik, Shýchinsk qalasyndaǵy dámhanada jarylys bolyp, 7 adam qaza tapqan edi.
