Foto: TJM
Shýchinsk qalasyndaǵy jarylystan qaza tapqan azamattardyń otbasylaryna qosymsha qoldaý kórsetiledi. Ákimdik málimetinshe, ómirlik qiyn jaǵdaiǵa tap bolǵan bes otbasynyń nesieleri demeýshilik qarajat esebinen óteledi, dep habarlaidy Ult.kz.
Aqmola oblysy ákimi Marat Ahmetjanov jedel shtabtyń kóshpeli otyrysyn ótkizip, óńirdegi ahýaldy talqylady. Aimaq basshysy azamattardyń qaýipsizdigi basty basymdyq ekenin atap ótip, zardap shekkenderge jan-jaqty kómek kórsetiletinin málimdedi.
Ákim tapsyrmasyna sáikes:
ardap shekkender men marqumdardyń otbasylaryna keshendi qoldaý kórsetý;
meditsinalyq kómekti ýaqytyly uiymdastyrý jáne jedel járdemniń táýlik boiy kezekshiligin qamtamasyz etý;
oqiǵanyń sebepterin obektivti tergeý;
kináli tulǵalardy jaýapkershilikke tartý;
qaýipsizdik talaptaryna baqylaýdy kúsheitý sharalary qabyldanady.
Qaza tapqan alty adamnyń otbasyna 2 mln teńgeden birjolǵy tólem berildi. Sonymen qatar dámhana iesi ár otbasyǵa qosymsha 2 mln teńgeden qarjylai kómek kórsetti. Zańnamaǵa sáikes áleýmettik tólemder de taǵaiyndalǵan.
Eske salaiyq, gaz-aýa qospasynyń jarylysy Tsentr plova kafesinde órtke ulasqan. Oqiǵa saldarynan 28 adam zardap shekti. Bes adam oqiǵa ornynda kóz jumdy, taǵy ekeýi aýrýhanaǵa jetkizilgennen keiin qaitys boldy. Qazirgi ýaqytta 13 adam meditsinalyq kómek alyp jatyr.
