SCAT áýe kompaniiasynyń parkine birden eki jańa Boeing 737 MAX 8 ushaǵynyń kelip qosylýy Qazaqstannyń aviatsiia salasy úshin mańyzdy oqiǵaǵa ainaldy jáne otandyq áýe naryǵynyń qarqyndy damyp kele jatqanyn taǵy bir ret dáleldedi.
SCAT áýe kompaniiasy flotyn keńeitýdi jalǵastyryp, aldaǵy ósim úshin múmkindikterin kezeń-kezeńimen arttyrýda. Parkke jańa áýe kemeleriniń qosylýy kompaniianyń damý qarqynynyń joǵary ekenin, áleýetiniń artyp kele jatqanyn jáne Qazaqstannyń álemdik aviatsiia kartasyndaǵy ornyn nyǵaitýǵa qosyp otyrǵan úlesin kórsetedi.
Jańa áýe kemeleriniń kezekti legin qabyldaý SCAT kompaniiasynyń damýyndaǵy taǵy bir mańyzdy kezeń boldy. Saltanatty rásim barysynda «SCAT áýe kompaniiasy» AQ prezidenti Vladimir Ivanovich Denisovke jańa ushaqtardyń simvolikalyq kiltteri tabystaldy. Bul – áýe kompaniiasy parkiniń ári qarai keńeiip, alǵa qarai júieli túrde damyp kele jatqanynyń belgisi.
Flottyń tolyqtyrylýy SCAT-tyń baǵyttar jelisin damytýǵa jáne qoldanystaǵy ushý baǵdarlamalaryn kúsheitýge tikelei bailanysty. 2026 jyly áýe kompaniiasy Shymkentten Qaraǵandy, Qostanai, Bishkek, Novosibirsk, Sankt-Peterbýrg jáne Túmen qalalaryna jańa reister ashty. Sondai-aq Astanadan Mońǵoliia astanasy – Ulan-Bator qalasyna tikelei reister iske qosyldy. Jańa Boeing 737 MAX 8 ushaqtary osy baǵdarlamalardyń bir bóligine ainalyp, ushý josparlaryn ikemdi etýge jáne tasymal geografiiasyn odan ári keńeitýge múmkindik beredi.
Búginde SCAT Qazaqstandaǵy jetekshi áýe tasymaldaýshylardyń biri retindegi pozitsiiasyn nyǵaityp, ushý geografiiasyn keńeitip, operatsiialyq múmkindikterin arttyryp, aldaǵy damýǵa berik negiz qalyptastyrýda.
«Jańa Boeing 737 MAX 8 ushaqtarynyń kelýi – áýe kompaniiasy parkiniń odan ári keńeiýi men múmkindikterimizdiń artýy jolyndaǵy mańyzdy qadam. SCAT úshin jańa áýe kemeleriniń Shymkent áýejaiy bazasynda qalyptasyp jatqan habty damytýǵa tartylatyny erekshe mańyzdy. Qazirgi tańda Shymkent bizdiń baǵyttar jelisiniń ósim núkteleriniń birine ainalyp keledi. Biz Shymkenttiń iri aviatsiialyq torap retindegi pozitsiiasyn kezeń-kezeńimen kúsheitip, ushý baǵyttaryn keńeitip, jolaýshylar úshin Qazaqstan ishinde de, odan tys jerlerde de jańa múmkindikter qalyptastyryp jatyrmyz», – dedi «SCAT áýe kompaniiasy» AQ prezidenti Vladimir Ivanovich Denisov.
Jańa áýe kemeleriniń kelip qosylýy SCAT áýe kompaniiasynyń turaqty damý qarqynyn jáne aldaǵy ýaqytta da keńeiýge daiyn ekenin kórsetedi. Kompaniia flotyn senimdi túrde damytyp, baǵyttar jelisin kúsheitip, Qazaqstannyń zamanaýi aviatsiia kartasyndaǵy rólin nyǵaitýdy jalǵastyrýda.
