Foto: ashyq derekkóz
Belgili sazger, aqyn Qurmanai Baqtiiarqyzy ómirden ótti. Qaraly habardy tanymal bloger Laýra Seiitbek habarlady.
Laýra Seiitbek Instagram-daǵy paraqshasynda Qurmanai Baqtiairqyzynyń videosyn jariialap, onyń qaitys bolǵanyn habarlady.
"Ápke, Alla ańqyldaǵan aq júregińizdi raqymyna alsyn", - dep jazdy jeli juldyzy.
Prodiýser Gúlzira Aidarbekova da Qurmanai Baqtiairqyzyna jazba arnady.
"Janym Qurmashym, áli sener emespin, jaqsy adamym! Janyń jánnatta bolsyn! Jaqynda ǵana Qurmashym telefon soǵyp, daýysy sańq ete qaldy. "Gúlim meniń, saǵan arnap jazdym, WhatsApp oqyshy dep jiberip edi. Qoshtasqyń kelip, aita-aita júrsin dediń ba eken", - dep jazdy prodiýser Instagram-daǵy paraqshasynda.
Qairat Nurtastyń anasy marqum sazgerge arnap óleń joldaryn arnady.
Orda.kz jazýynsha, aqyn 1 jyl buryn densaýlyǵy syr bergen. Oǵan kúrdeli operatsiia jasalǵan.
«Qazaq eliniń baryna, menimen aýyrǵan janyna, maǵan duǵa arnap atqyzǵan tańyna sheksiz alǵys aitamyn. Búgin paraqshamdy óz qolyma aldym. Palataǵa shyqqaly biraz bolsa da, qolyma kúshim endi oraldy. Álsizdik bolǵanymen kóńilim ornynda. Bárińizdi jaqsy kórem», - dep jazǵan Qurmanai Baqtiiarqyzy áleýmettik jelidegi paraqshasynda.
Keiin aqyn 7 ret ota alǵanyn da habarlady.
«Allanyń Qudiretiniń sheksizdigine aiqyn kóz jetkizgen synaq boldy. 99/1 paiyz sońǵy úmitpen jetinshi ret ota jasaldy. Tórt kún ótý kerek. «Sol ýaqyttan ótsek bári artta qalady» degen dárigerdiń sózin estigen dostar barlyǵyna daiyn turǵan ǵoi», - dep jazǵan edi.
Qurmanai Bahtiiarqyzy - zamanaýi mýzyka ónerine ólsheýsiz úles qosqan aqyn ári sazger. Kóptegen hit ánderdiń avtory, kórkem sóz oqý sheberi boldy.
Qurmanai Bahtiiarqyzy sózin jazǵan belgili ánder: Qairat Nurtas «Almaty túni», «Buryńǵyr eles», Asqar Júnisbekov «Tolǵanai», Serik Ibragimov «Jaiaý», Álisher Karimov «Súiemin seni», Taba almaisyń», «Ókinish», «Shúkir», Aqbota Kerimbekova «Úmit gúli», «Baqyttymyn», «Buiyrmas baǵym», Aqylbek Jemenei «Million qyzdar», Janbolat&Jazira «Syr sandyq» jáne t.b.
