Sairan kóline batyp ketken er adamnyń denesi tabyldy, dep habarlaidy "Ult aqparat".
«Sýǵa batyp ketken er adamnyń denesi tabyldy, onyń jeke basy anyqtalýda», – dep habarlady tótenshe jaǵdailar departamentinen.
Kýágerlerdiń aitýynsha, 31 mamyr kúni shamamen keshki saǵat 17:30-da Sairan kóline 25-30 jas aralyǵyndaǵy er adam sýǵa túsip, qaityp shyqpaǵan.
Aldyn aldyn ala boljam boiynsha, jas jigit tanystarymen birge ishimdik ishken.
Izdestirý jumystaryna Almaty qalasy qutqarý qyzmetiniń 4 súńgirýi men «QR TJM» MM-nen 3 súńgýir men 2 qaiyq jumyldyryldy.
Almaty qalasynyń Tótenshe jaǵdailar departamenti sýdaǵy qaýipsizdik mádenietin saqtaýǵa shaqyrady.
Sýda myna nusqaýlyqqa nazar aýdarý qajet:
- Sýǵa arnaiy ruqsat etilgen jerde ǵana shomylyńyzdar;
- Balalardy qaraýsyz qaldyrmańyzdar;
- Eger siz arnaiy ruqsat etilgen jerde shomylǵanda sýda júzý bilmeseńiz, belden joǵary keletin sýǵa túspeńiz;
- Júzý kezinde bir-birlerińizdi qadaǵalap otyryńyzdar;
- Qorshaý belgilerinen asyp, jaǵadan alysqa júzip barmańyzdar;
- Qaiyqtar men katerlerge qarai jaqyn júzýge bolmaidy;
- Qaiyqtar men kópirlerden sýǵa qarai sekirmeńizder;
- Sýda uzaq ýaqyt shomylmańyzdar, tońyp jáne sharshap qalýyńyz múmkin;
- Túngi ýaqytta alkogoldi ishimdik iship sýǵa shomylmańyzdar.
