Mańǵystaýda aýyl ákimdigine kandidattardy usyný aiaqtaldy, dep habarlaidy "Ult aqparat".
Bul týraly qoǵamdyq kommýnikatsiia ortalyǵynda ótken brifingide Mańǵystaý oblystyq sailaý komissiiasy tóraǵasynyń orynbasary Isahan Saǵynbaev málim etti.
Onyń aitýynsha, 10 shilde kúni 39 kandidattyń qujattary tekserildi. Onyń ishinde 34 úmitkerdiń qujattarynyń zańnamaǵa sáikestigi anyqtaldy.
39 kandidattyń arasynda 1 áiel adam qatysyp otyr.
«Kandidattardyń ortasha jasy - 38 jas, eń jasy - 25 jasta, eń úlkeni - 60 jasta. 13 úmitker sailaý ótetin aýyl okrýginde turady, 20 úmitker sailaý ótetin aýdanda turady, 6 úmitker basqa aýdandarda turady», - dedi Isahan Saǵynbaev.
Barlyǵy 39 kandidat usynyldy. Onyń 17-si saiasi partiialardan, 22-si ózin-ózi usyndy.
Ortasha báseke - bir orynǵa 4 adamnan.
Saiasi partiialar 10 okrýg boiynsha óz kandidattaryn usyndy:
«Nur Otan» partiiasynan - 8 úmitker
«Aq jol» partiiasynan - 2 kandidat
«ADAL» partiiasynan - 3 kandidat
Qazaqstan halyq partiiasynan - 3 kandidat
Jalpyulttyq sotsial-demokratiialyq partiiasynan - 1 kandidat.
Óńirde 25 shilde kúni aýyldardyń, aýyldyq okrýgterdiń ákimin sailaý 7 aýdannyń tórteýinde josparlanǵan.
