Foto: iStock
Qoǵamdyq saiasat institýty júrgizgen zertteý nátijesinde saýalnamaǵa qatysqandardyń 70%-dan astamy Qazaqstannyń durys baǵytta damyp jatqanyn atap ótken. Mundai pikirdi kóbinese aýyl turǵyndary (80,7%), 24 jasqa deiingi jastar (78,9%) jáne áielder (72,2%) bildirgen, dep habarlaidy Ult.kz.
Halyqtyń qazirgi saiasi jáne áleýmettik-ekonomikalyq jaǵdaidy baǵalaýy qalypty optimizmmen erekshelenedi – sáikesinshe 76,5% jáne 67%.
Bul nátijeler elde júrgizilip jatqan reformalardy oń qabyldaýmen bailanystyrylady. Máselen, qoǵamdyq-saiasi salada azamattarǵa aýyldyq jáne aýdandyq deńgeidegi ákimderdi tikelei sailaý múmkindigi berildi, sailaý júiesi ashyq bola tústi, Konstitýtsiialyq sot qalpyna keltirildi, al genderlik teńdikke qatysty bastamalar áielderge saiasat pen qoǵamdyq ómirge belsendi qatysýǵa jańa múmkindikter ashty.
Áleýmettik-ekonomikalyq saladaǵy ózgerister biýdjet qyzmetkerleriniń tabysyn edáýir arttyrýǵa, qoldaý kórsetýge baǵyttalǵan aýqymdy baǵdarlamalardy iske qosýǵa, jer resýrstaryna ádil qoljetimdilikti qamtamasyz etýge, qaýipti jáne ziiandy óndiristerde jumys isteitinder úshin zeinet jasyn tómendetýge múmkindik berdi.
Jalpy, saýalnama nátijesi boiynsha respondentterdiń 89%-y óz kóńil-kúiin oń dep sipattaidy. Pozitivti kóńil-kúi kóbinese 18-den 35 jasqa deiingi jastarǵa, úilenbegen/turmys qurmaǵan jáne otbasyly respondentterge, sondai-aq joǵary bilimi bar azamattarǵa tán.
