Túrkistan oblysynda karantin talabyn óreskel buzǵan turǵyndar anyqtaldy, dep habarlaidy "Ult aqparat".
Túrkistan oblysynyń politsiia qyzmetkerleri karantin talaptarynyń saqtalýyn qatań baqylaýda.
Arnaiy qurylǵan mobildi top quramynda júrgen tártip saqshylary kúni-túni reid júrgizip, bas memlekettik sanitariia dárigeriniń karantin rejimin saqtaý boiynsha nusqaýyna sáikes tiisti jumystardy atqaryp keledi.
Máselen, Saryaǵashta politsiia qyzmetkerleri Saryaǵash aýdany Shymkent-Jetisai tasjolynyń boiynda ornalasqan dámhananyń ákimshisi bolyp jumys jasaityn turǵyny elimizde koronovirýs indetiniń taralýyna bailanysty belgilengen karantin rejimin jáne shekteý sharalaryn saqtamai, zańbuzýshylyqqa jol bergen.
Iaǵni kafeniń qyzmetshileriniń maskalyq rejimde qyzmet atqarýyn qamtamasyz etpei, qaǵidalardy buzǵan.
Osyndai jaitty birneshe dúken men dámhana ieleriniń óreskel buzǵandyǵy anyqtaldy.
Sonymen qatar qala ortalyǵynda ornalasqan toihananyń birinde besik toiy ótken.
Atalǵan jiynǵa shamamen 40-tan astam adam jinalǵan.
Tártip saqshylary atalǵan jaitty QR ÁQBtK-niń 425-baby boiynsha jinaqtalǵan qujattar aýdandyq SEBB-ǵa joldandy.
Túrkistan oblysynyń politseileri karantin talaptaryn qatań saqtaý qajettigin eskertedi. Karantin kezinde toi-jiyn, basqosý, otbasylyq, merekelik, ujymdyq is-sharalardy uiymdastyrýǵa tyiym salynǵan.
