Túrkistan oblysyna qarasty Saryaǵash qalasynda perinataldy ortalyq salynady. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy "Ult aqparat".
«Oblys úshin mańyzdy nysan – Saryaǵash qalasyndaǵy ortalyq aýdandyq aýrýhana janynan 240 tósek-orynǵa arnalǵan perinataldy ortalyq qurylysy. Jyl saiyn Saryaǵash aýdanynda oblys boiynsha týýdyń eń joǵary kórsetkishi tirkeledi. 2020 jylǵy kórsetkish 1 myń turǵynǵa 31,9-dy qurady. Saryaǵash aýdanynda perinataldy ortalyq ashý Keles, Jetisai, Maqtaaral jáne Shardara aýdandarynyń júkti áielderine bilikti meditsinalyq kómek kórsetýge múmkindik beredi», - dedi Aleksei Tsoi.
Onyń atap ótýinshe, atalǵan aýdandarda 723 926 adam turady. Bul - oblys turǵyndary jalpy sanynyń 35 paiyzy.
«Sonymen qatar Arys jáne Saryaǵash qalalarynda bir aýysymda 500 kelýshige arnalǵan 2 úlgilik emhana salý josparlanyp otyr», - dedi ministr.
