Aqmola oblysynyń Býrabai kentindegi «Dostar» dámhanasynda «sary» jáne «qyzyl» statýsy bar kelýshiler anyqtaldy, dep habarlaidy "Ult aqparat" oblystyq sanitarlyq-epidemiologiialyq baqylaý departamentiniń baspasóz qyzmetine silteme jasap.
Vedomstvonyń málimetinshe, ótken táýlikte ASHYQ jobasynyń kómegimen Býrabai kentiniń «Dostar» dámhanasynda «sary» statýsy bar (koronavirýs juqtyrǵan adammen bailanysta bolǵan adam) jáne «qyzyl» statýsy bar (COVID-19 naýqas) kelýshiler anyqtaldy.
«Kelýshiler Nur-Sultan qalasynyń turǵyndary, olar úi karantininde bolýy kerek edi. Aqmola oblysy sanitarlyq-epidemiologiialyq baqylaý departamentiniń qyzmetkerleri úi karantinin buzýshylarmen karantindik rejimdi saqtaý týraly túsindirý jumystaryn júrgizdi jáne turǵylyqty mekenjaiy boiynsha Nur-Sultan qalasynyń sanitarlyq-epidemiologiialyq baqylaý departamentine sharalar qabyldaý úshin aqparat jiberdi», - dedi vedomstvodan.
Departament mamandary atap ótkendei, ótken táýlikte Aqmola oblysynda koronavirýstyq infektsiianyń 130 jaǵdaiy anyqtaldy. Olardyń basym bóligi-109 adam simptomatikalyq. Kúndelikti ósim 0,6 paiyzǵa teń. Aýrý jaǵdailary Býrabai aýdanynda (31), Kókshetaý qalasynda (28), Bulandy (19), Arshaly (11), Sandyqtaý (7), Shortandy jáne Jaqsy (6 jaǵdaidan), Atbasar (5), Aqkól (4), Tselinograd, Zerendi aýdandarynda jáne Stepnogorsk qalasynda (3 jaǵdaidan), Astrahan (2), Esil jáne Jarqaiyń aýdandarynda (1 jaǵdaidan) tirkeldi. Sońǵy aptada óńirde koronavirýs juqtyrýdyń 938, aldyńǵy aptada 953 jaǵdaiy tirkelgen. Iaǵni, 1,02 ese tómendeý baiqalady (15 jaǵdaiǵa az).
