Qazgidromet 8 qyrkúiekke arnalǵan aýa raiy boljamyn usynady, dep habarlaidy "Ult aqparat".
Atmosferalyq aýa aǵyndardyń ótýimen, QR soltústik-batysynda, soltústik, shyǵys, ońtústik jáne ortalyǵynda jańbyr jaýyp, naizaǵai, jeldiń kúsheiýi kútiledi.
Aqmola oblysynyń ortalyǵynda qatty jańbyr jaýady. Kazaqstannyń qalǵan aýmaǵynda antitsiklon jotasynyń áserimen jaýyn-shashynsyz aýa raiy boljanady.
Respýblikanyń soltústik-batysynda jáne soltústiginde - tuman, soltústik, shyǵys jáne ortalyǵynda - burshaq kútiledi.
Qostanai oblysynyń soltústik, shyǵys jáne ońtústik-shyǵysynda – naizaǵai, túnde jáne tańerteń shyǵysta tuman kútiledi, oblystyń ońtústiginde jel 15-20 m/s kúsheiedi.
Kúndiz Shyǵys Qazaqstan oblysynyń soltústik-batysynda naizaǵai, burshaq, daýyl kútilip, naizaǵai kezinde jel 15-20 m/s kúsheiedi. Qaraǵandy oblysynyń batys jáne soltústiginde naizaǵai, kúndiz soltústiginde – burshaq, batys, soltústik jáne ortalyǵynda – jeldiń 15-20 m/s kúsheiýi kútiledi. Soltústik Qazaqstan oblysynyń ońtústiginde, batysynda - naizaǵai, túnde oblystyń soltústik-shyǵysynda – tuman túsedi.
Kúndiz Pavlodar oblysynda jeldiń kúsheiýi kútiledi, kúshi 15-20, soltústik jáne ońtústiginde ekpini 23 m/s. Túnde Qyzylorda oblysynyń soltústik-batysynda – naizaǵai jarqyldap, jeldiń jyldamdyǵy 15-20 m/s jetedi.
Tańerteń jáne kúndiz Túrkistan oblysynda jeldiń kúsheiýi kútiledi, kúshi 15-20, taýly aýdandarda ekpini 25 m/s, oblystyń soltústigi jáne batysynda shańdy daýyl soǵady.
Túnde Batys Qazaqstan, Soltústik Qazaqstan oblystarynyń soltústiginde, Aqtobe, Qostanai oblystarynyń soltústigi jáne shyǵysynda topyraq betinde 2 gradýs úsik kútiledi.
Almaty, Jambyl, Túrkistan, Qyzylorda, Mańǵystaý, Atyraý, Aqtóbe, Qostanai oblystarynyń basym bóliginde, Batys Qazaqstan oblysynyń soltústik-shyǵys jáne ońtústiginde, Qaraǵandy oblysynyń batysynda, Aqmola oblysynyń soltústik-batysynda jáne ońtústiginde, Pavlodar oblysynyń ortalyǵynda, Shyǵys Qazaqstan oblysynyń ońtústik jáne ońtústik-shyǵysynda tótenshe órt qaýipi saqtalady.
