Foto: Qorǵanys ministrligi
Jambyl oblysynda sarbazdyń qazasyna qatysty is boiynsha tergeý aiaqtaldy. Bul týraly Bas áskeri prokýratýra habarlady.
Vedomstvo málimetinshe, Gvardeisk garnizonyndaǵy áskeri bólimniń rota komandiri qyzmetine salǵyrt qarady degen kúdikke ilingen. Tergeý barysynda onyń jeke quramnyń qyzmetin tiisti deńgeide baqylamaǵany jáne áskeri qyzmetshilerdiń qarýdy qoldanýyn qadaǵalamaǵany anyqtalǵan.
Sonymen qatar, marqum sarbaz E. Rýstemulynyń áriptesterine qatysty bilik ókilettigin asyra paidalaný faktileri de tirkelgen.
Jinalǵan dálelder negizinde qylmystyq is sotqa joldandy. Al sarbazdyń ólimine bailanysty basqa da jaittardy anyqtaý boiynsha tergeý jalǵasyp jatyr.
Prokýratýra Qylmystyq-protsestik kodekstiń 201-babyna sáikes, is boiynsha ózge málimetter jariia etilmeitinin málimdedi.
Eske sala keteiik, buǵan deiin Jambyl oblysynda merzimdi qyzmettegi sarbaz qarýdy paidalaný kezinde jaraqat alyp, kóz jumǵan bolatyn.
